منتديات هيبة ملك منبع إبداع لاينضب - عرض مشاركة واحدة - { ... رحـــلـة عــضـــو / هــ ... / ضحكه خجـل .. تفضــلي}

اوسمتي · 04-21-2009, 04:45 PM

طن طن الساده الركاب..

السلام عليكم ورحمة الله وبركاته..

القائد/الين اليوم

يحيكم ويرحب بكم في رحلتكم المتوجهه الى غياهب السماء..
وبما ان الاخت /الاحساس الخجول قامت باختياره كقائد للمركبه..فتقبلو مايأتيكم من شطحات..طن طن

1/ أول سفرة كانت..متى؟....إلى؟
احم احم الو
انشالله الصوت واضح..انشالله يكون واضح
اول رحله ياطويلين العمر من العلا الى المدينه المنوره وكنت وقتها بيبي..

2/ أطول سفرة كانت لمدة....؟
اطول سفره كانت لمدة خمس شهور وكنت وقتها فالشرقيه>>هذا وانا مخربها..الشرقيه حدي..

3/ أحلى بلد زرته؟...ما الذي شدك إليه؟
الى الان مافيه اجمل بعيني من الحرم المدني..والمكي..بس المدينه الصراحه ارتاح فيها..>>خاصه بعد الفجر بالحرم..مقدر اشرح لك..

4/ لو شاءت الظروف (عمل... مثلا) أي بلد غير بلدكـ كنت تتمنى تعيش فيه؟
ايطاليا..او تركيا

5/ أحلى أكلة ذقتها كانت من....؟

كيكة الوالده-الله يحفظها-..والله من جد اموت فيها>>من الكيكات القدييييمه اللي تجي مدوره..

6/ طرفة صارت لك في احد أسفارك و لازلت تذكرها؟
هذا ياطويلين العمر مره كانت عندنا مباريات مدارس لما كنت فالثانويه..وكنا مسافرين للشرقيه بالطياره..وكانت جنبنا حرمه ومعها ولدها الصغير تقريبا عمره ست شهور..عاد مشرفنا مطوع-الله يحفظه-المهم كنت انا وخويي نلاعب الولد ونأشر له ونسوي له حركات ويضحك عاد كان مع الشغاله والمدرس كان ورانا ساكت وحاول يمسك نفسه يحسبنا نأشر للبنت..عاد موقع المدرس مايخليه يشوف الولد..المهم اخر شي اقفلت معه..وقام قدام العالم..قم انت وياه انتو اصلا مانتو مربيين..وقليلين حيا..وتهزيء فينا..انا ماني قادر اتكلم..وجهي صار تقل قوطي>>حلوه قوطي هاه ههه

المهم وخويي ياشر على الولد..ويناظر فيه مو مصدق..ورجع وجلس مكانه..عاد وقتها كل امنيتي اني اختفي من الوجود من كثر ماهو طايح وجهي..ورجع بعدين اعتذر لنا هههه

بس من جد هالموقف ماانساه..

7/ أجمل تذكار للحين تحتفظ به كان...؟ من؟
قرآن من اختي الله يحفظهاويوفقها....

8/ آخر بلد زرته؟
الديره(العلا)

9/ شيء لا تستغني عنه في سفرك طبعا بعد القران الكريم؟
المحفظه طبعا..والشنطه..والجوال..واللاب توب..بس

10/ أحلى استضافة كانت في...؟
احسن شي مو بس استضافه..اني يوم رجعت من الشرقيه..خمس شهور ماشفت اهلي..ولما رجعت..اوووووه مسوييين حفله لسعادة سموي..ووقتها الدموع اربع اربع..

11/ أكثر مطار شدك..؟
مطار الشرقيه..

12/ بلد ودك تزورها إن شاء الله؟
جزرالبندقيه..وتركيا>>عادتركيا من يوم اني صغير وانااحلمفيها بس عفتهامن بعد هالمسلسلات..

13/ كلمة(أو نصيحة) أخيرة للمسافرين؟
اكثر من الدعاء..والاستغفار..وتأمل كيف ابدع الله بهالكون وهالدنيا..

كل الشكر والتقدير لاختي/الاحساس الخجول على هالاستضافه..واتمنى اني كنت ضيف خفيف على قلوبكم..
جل التقدير والاحترام لارواحكم النقيه..