منتديات هيبة ملك منبع إبداع لاينضب - عرض مشاركة واحدة

اوسمتي · 01-01-2010, 06:19 PM

مشكور كلي جرووح على موضوعك التحفـه

أهنيك الصراحه عليـُه

* ما إسم مدرستكـ ؟!.

المعهد العلمي في بريُدهـ

* كم نسبتك العـأَإم الماضي او الثانويه العامه؟!.

85

* كم ترتيبكـ ؟!.

الثالـث

* كم كان عدد الحصص ؟!.

سبـُع حصص

* ماهي مادتكـ المفضله ؟!.

النحـُو والصُرف

* تحب/ي تذآكر/ي من الدفتر ولآ الكتآب ؟!.

أممممم لادفتر ولاكتاب

أشتري دفتر جديد وانا الخص الكتاب بنقاط من عندي بالدفتر على شكل اساله وتصير مثلآ 130 سؤآل واجابـُه وكذا احفظهـم وامارس عليه ساعه مذاكره وساعه راحه من بعد صلاه العصر .. طريقه انصح فيها واستفد منها كثير

* هل إنت/ي من النوع اللي تحب/ي تشخبط/ي عَـ الكتب والدفأإآتر ؟!.

ايه ارسم نجوم مثلآ واحيانا ارسم صقر يلحق جربوع وصفحه ورى صفحه الصقر ينزل والرجبوع يقرب عند جحرهـ وبالنهايه يايمسكه او يتمكن الجربوع من دخول الجحر قبل مخالب الصقر

* إذا إنت/ي متخرج/هـ شو المرحله اللي حبيتها/حبيتيها ؟!. لماذآ ؟!.

أكيد مرحله الثانوي مايبيلهآ كلآم
السبب واضح انها مرحله انتقاليه للمرآهقـُه *__* فيها تكون الحياه حلوهـ بجـُد

* هل أنت/ي من النوع اللي يتكلم/تتكلم كثير في الفصل ؟!.

لآأبدآآآ مع المدرس وأحيانا اسولف على اللي قدامي <قدامه واحد سمين مرهـ كتوفه دايم تغطيني لاجاني النوم

* من آكثر معلم/معلمه حبيته/حبيتيهآ ؟!. شو كآن يدرّس/تدرّس ؟!.

لغه عربيه الله يذكرهـ بالخيـُر من اهل الزلفي

* كم كـآن عدد الطلاب في فصلك؟!.

48

* فين كـآن مكانك في الفصل ؟!.

بالنص بآخر الجدآر

* من كـآن جنبكـ؟!

سميي فديت قلبه الله يذكره بالخير والحين هو مدرس لغه انجليزيه

* كم مره كتبت/ي تعهّد أو مخآلفه ؟!. لمآذآ ؟!.

تقريبآ ثلاث مرآت وأسبابها طبعـُآ انا انسان اكره اشوف الاخطآء وبيني وبينكم مشاغب شوي فاقول خلوها بالبير وبلاش نكشفها

* كم مره إنطردت/ي من الحصه ؟!. لمآذآ ؟!.

انطردت مرهـ بس والسبب اني صفطت السجادهـ ومحطتهآ بالمدرس على علبآته وهو يكتب (( طبعا كان تحدي وخايف يقولون انت مو قد كلامك )) وأكلتها

* كم مره إنحرمت/ي من الفسحه ؟!. لمآذآ ؟!.

ياعيني وياليلي مجنون انت والا صاحي هذي الفسحه يابعدي ماحد يقدر يمنعني منهآ

* عمرك آتهزّأت/ي من مدرسّك/مدرّستك ؟!. لمآذآ ؟!.

عليكم اساله تنخش بالفضايح تنخش تطلع النكبات من جـُد

واحد كان مرشد طلاب يتمشى بالفصول واي واحد موقفه المدرس يجي ويستاذن يسطعه بالمسطعه
وانا ياويل حالي ماعمري حفظت قصيده بالادب والنصوص ودايم واقف باخر الفصل وتعالوا شوفوا بس اصلا من يفتح الباب واشوف الظـُل كبير اعرف انه هو واقول الله يعييييييييييييييين

[B]* هل سبق رسبت/ي بسنه ؟!. في آي صف ؟!. كم مره ؟!. لمآذآ ؟!.
يمكن لو اصرح بالشي هذا ماحد منكم يصدق لكن اقدر اختصر واقول لو ماصار اللي صار كان انا الحيـُن مدرس لغه انجليزيه مع اخويآي لكن امر الله وشق القربـُه

* كم مره هربت/ي من الحصّه ؟!. وإذآ هربت/ي صآدوك/ي ولآ لآ ؟!.

هربت مره من الحصه الثالثه بعد الفسحه < لان المدرس كان مصري شايب حق رياضيات وقزم الآدمي راسه عند بطني بس والله يامعه مسطعه خشبيه مفصلها تفصال عند النجار وتعرفون قزم وشايب ياويلي واذا ضرب مايعرف الآ سيدآ وسيدآ يعني بوجهي وصدري طخ طيخ تقل بس لآهجم الله يذكره بالخير

* كم مره نمت/ي في الصف ؟!.

اربع وثلاثين الف مرهـ

ههههههههههههههههههههههههههههه

<مايقدر ينام الا بحصه الجغرآفيآ عاد لاتسالون ليه

* إنت/ي في مدرسه أهليّه ولآحكوميه ؟!.

حكوميـُه أكيـُد

* في حدآ بالمنتدى كآن معآك/ي في المدرسه ؟!.

لآ

* موقف صآر لك/ي في المدرسه ومآتنسآه/تنسيه ؟!.

خلوكم معي وفتحوا اذانكم زيـُن

هذا الموقف ماانساه ماحييت

عندنا مدرس لغه عربيه انا وقتها باولى ثانوي والمدرس طوووووووويـــل واطول من يدينه مافيه ماشاء الله عليه وكان يكتب قاعدهـ نحويه وخويي بجنبي ينغزني مع تسلآي ( كلوتي

يعني ) فانا لما جيت اردها له التفت المدرس وشافني وانا امد ايدي على بطن اللي بجنبي عاد بيني وبينه مسار ومادن روحي وخويي قال ( أأأأأأءءءءءءءء ) صوت عالي ومير اناظر الا والله المدرس يناظر فيني[/B]

أول ماطبق القلم قلت بس عز الله رحنا فيها يامنآحي ومير يجيك داعس وعاد هو طويل ووجهـه دقاق ( عصل يعني ) وشماغه نازل ورى شوي وطاقيته باينه ( شكله يخررع كنه سكران) عاد راسه مايل وهو جااي وقبل يوصلل مكاني ( بالاخير انا ) يمكن بمترين رفع يده اليسرى مشكلآ بقسآ بقبضته ( اصابعه عظاااام تقل مسامير جمس ) وانا عيني على ايده ومنزلن نفسي بحاول اتصدآ للهجمه المباغته والمدرس طلع ذكي حط عينه في جنبي اليسار وكانه بيضربه ويوم حطيت يديني على جنبي رفع يدهـ والله وتضررب براسي مع الجنب طــأأأخ خ خ وطيييخ ويواصل لكماته فيني رضخني رضخ قسم بالله مانساه
هههههههههههههههههههههههههههههههههههههه
هههههههههههههههههههههههههههههههههههههههه هههههه
هههههههههههههههههههههههههههههههههههههه
هههههههههههههههههههههههههههههههههههههههه هههه

وبسسسسسسسسسسس ياحبكم للفضايح