اشكرك اخوي شئ للذكـــرى لختياري ( ^ _ ^ )


( ما إسم مدرستكـ )

الخامسه

( كم نسبتك العـأَإم الماضي او الثانويه العامه )

الثانويه الفصل الاول كان نسبتي 90نزلت كثير الفصل الثاني 83






( كـــم ترتيبـــكـ )

قبل الاخير ( ^ - ^ )



( كم كان عدد الحصص )

من 6الى 7 بس الحصه السابع ماذكر اني حضرتها اهرب

( ماهي مادتكـ المفضله )

ولا ماده ماعدا الفنيه ( للمعلوميه رسامه خطيره )


* تحب/ي تذآكر/ي من الدفتر ولآ الكتآب ؟!.

والله على حسب الماده وافضل الدفتر لانــي احب الاختصارات



* هل إنت/ي من النوع اللي تحب/ي تشخبط/ي عَـ الكتب والدفأإآتر ؟!.

اووووووووووووه احس باأكتأب اذا شفت الكتاب نظيف لازم اشخبط
توقيعي بالانجليزي في كل صفحه خخخ


* إذا إنت/ي متخرج/هـ شو المرحله اللي حبيتها/حبيتيها ؟!. لماذآ ؟!.

المرحله المتوسطه احلى مرحله في حياتي ( مرحله المراهقــه ) خخخخ

تعرفت على احلى صديقات يقدرون معنى الصداقه والله للحين وانا معهم ماتفارقنا والله لايفرقنا
مرحله الفله والوناسه
مرحله شفت فيها مواقف قويه ماقد شفتها من قبل في حياتي 0

اذافاضين اقولــكم موقف من المواقف اكــيد فاضين اسمعوا ( ^ _ ^ )

لماكنت في ثاني متوسط في بنت هاديه جدآ هاديه بمعنى الكلمه
دايم اشوفها مع اختها واختها مثلها واهدى منها بعد مايختلطون مع البنات يتفسحون سوا واذاكرهم مايتمشون دايم قاعدين عند الدرجه ( عكسي ماشاء الله علي والله ماخلي جحر في المدرسه الاوانا مفحطه فيه والشله اكيد معي ) المهم في شله صغيره صايــعه وحده من هالبنات الصايعات في نفس فصل البنت الهادي مره شفتها تمشي معهم استغربت غريبه يوم اختلطت بلبنات مارافقت الا الخربانات بعد مصاحبتهم بسبوع حسينا ان المدرسه فيها شئ غريب المدرسات رايحين وجايين والمديره مختبصه مادرينا وش السالفه الابعد ماصفرت الحصه الاخيره وعرفنا السالفه البنت الهادي ماحضرت المدرسه مع ان شنطتها مع اختها الاخت بالله طالعه مع واحد من الشباب من الصبح وارجعت الظهر ومسكتها المديره وجاءت امها ( انا وخويتي من حبنا للعلوم تاخرنا شوي من البيت نبي نعروف شـنهايه السالفه امها تصارخ وتقول تبرت منها وصارت سالفه الله لايبلانا ولايبتلينا ( بيني وبينكم تروعت ورحت للبيت ) استغفرالله والله يهديهم



* هل أنت/ي من النوع اللي يتكلم/تتكلم كثير في الفصل ؟!.

احيانآ على حسب مدرسه الماده
الله يذكرها بلخير ابلة التوحيد بلمتوسط البنات ياكلون حب ويشربون شاهي في حصتها عادي عندها اهم شئ تشرح انا بس اسولف


* من آكثر معلم/معلمه حبيته/حبيتيهآ ؟!. شو كآن يدرّس/تدرّس ؟!.

ماأذكرى بس ماتوقع


* كم كـآن عدد الطلاب في فصلك؟!.

من 30 الى 35


* فين كـآن مكانك في الفصل ؟!.

الاخيره ولازم جنب الجدار عشان اكتب اجوبه الاسئله على الجدار


* من كـآن جنبكـ؟!

خويتي ابتسام الشهري و هندالعتيبي


* كم مره كتبت/ي تعهّد أو مخآلفه ؟!. لمآذآ ؟!.

مش كثير مره في حصه المختبر خلصت المدرسه الشرح واطلعت رحت انا والشله انشخبط على طاوله المختبر بلمزيل واكتب الهلال عز واغاني خالد عبدالرحمن وخرابيط .. الخ اثاري فيه مصريه مراقبه سريه علينا مادرينا عنها راحت علمت المدرسه واشحطتنا عند المديره وعطتنا كم تهزيئه مرتبه وقفتنا جنب الجدار عندها خخخ


* كم مره إنطردت/ي من الحصه ؟!. لمآذآ ؟!.

احيانآ ماحليت الواجب

مره ماده الجغرافيا محلينا الواجب انا وخوياتي وكان في الشتاء وطلعتنا برا وكان برد شديد وصفينا جنب الباب الا انا رحت تحت الشمس ابي اتدفاء وطلت علي المعلمه وتطردتني من الشمس تقول احسن كان حليتي وهي تضحك المعلمه رهيبه ماطولنا برا دخلتنا كسرت خاطرها خخخ


* كم مره إنحرمت/ي من الفسحه ؟!. لمآذآ ؟!.

لا ماعندنا هالنظام.. كلش ولا الفسحه خخخ




* عمرك آتهزّأت/ي من مدرسّك/مدرّستك ؟!. لمآذآ ؟!.

نوعآ مآ خخخ ياما ماحلت الواجب او اسولف مع صديقتي او ناسيها الدفتر






* هل سبق رسبت/ي بسنه ؟!. في آي صف ؟!. كم مره ؟!. لمآذآ ؟!.

ايه بأول ثانوي.. عباطه خخخ ماعجبتني المرحله صعبه كيمياء وفيزياء يــوووه والسبب الرئيسي ماكنت ابغى المدرسه اللي انا فيها ابغا انقل ومش راضين

بعد مارسبت نقلت ( ^ _ ^ )


* كم مره هربت/ي من الحصّه ؟!. وإذآ هربت/ي صآدوك/ي ولآ لآ ؟!.

كل سبت بأول ثانوي الحصه السابعه
لاماصادوني


* كم مره نمت/ي في الصف ؟!.

لاماقد سويتها ابد ماقدر ماتخليني السوالف انام خخخخ


( إنت/ي في مدرسه أهليّه ولآحكوميه )

حكوميــه..


( في حدآ بالمنتدى كآن معآك/ي في المدرسه )

لا 0 0




( موقف صار لك / ي في المدرسه وماتنساه / تنسيه ؟ )


مواقف كثير اللي اذكره مره غبت من المدرسه كان يوم الاربعاء وكان في المدرسه تفتيش وانتم بكرامه على الجزم العاليه لان ذيك الفتره كانو يلبسون الكعب العاليه يسمونها دبابات الزبده فيها طالبه معي في الفصل اسمها مثل اسمي وهي جريئه جاء ت المعلمه تفتش على جزمتها ارفعت رجلها في وجه المعلمه متعمده وعصبت المعلمه وخذته للمديره وهزتها وقالت لها وش اسمك اكلم اهلك البنت قال اسمي انا الكامل ودقوا علينا وردت عمتي وعطوها تهزي مهب صاحي ( قوي ) وعمتي تعذر منهم عبالها انا فعلا
( للمعلوميه انا عاقله ومؤدبه لقافتي على صديقاتي ماتعدى اكثر من كذا )
اكــمل . .راحت عمتي عندي امي وزادت الحكي في التهزيئ وانا بوقتها نايمه في حالي جاتني امي وتهاوش تقولي المديره كلمت وتقول انك قليلة ادب . . والخ . .وانا مفجوعه مستحيل اسوي هالحركات تخيلــو قاعده على اعصابي الاربعاء والخميس والجمعه انتظر يوم السبت يجي ورحت للمديره اول مره اهوش المديره خخخ قامت تعذر مني واتصلت على عمتي وامي وتعذرت منهم ونادت البنت الجريئه وعاقبتها وكلمت اهلها وانتهاء الموضوع ( طولت عليكــم )

على طاري الجزم وانتم بكرامه الفتره ذيك كان عقاب اللي تلبس جزمه عاليه يخلونها تغيرجزمته وتلبس زنوبه المديره جايبه معها زنوبات واجد وانا مره امسكتني المديره وانا لابسه كعب صغير مايستاهل العقاب ولبست زنوبه شكلي يفطس من الضحك زنوبتي اطول مني خخخ بس خويتي خذت جزمتي والمديره ماتدري ورجعت ولبستها تخيلوا اتفسح بزنوبــه خخخ


وشــــــــــــكـــــــرآ لــكم



ــــــــــــــــــــــــــــــــــــــــ ــــــ